سؤال للجزائريين

[aircrack -ng]

السلام عليكم

قولولي انا حبيت نشري connexion جديدة وحبيت تكون sans fille قالولي الويفي مليحة واش رايكم
انا نستعمل mobiconnect كارثة كارهتلي حياتي شحال من خطرة نجي نتيريها من البالكون كرهتها ونقول خليها بلاك يهديهم ربي ولايديهم ويزديلها في la vitesse

راني نستنا فيكم ولاد بلادي الي عندو معلومة مايبخلش عليا

يرجى كتابة محتوى الموضوع بشئ مفهوم حتى يقدر الاخوة يتداخلون معك

الاشراف

[dz-الشبح]

ايه مليحة مام هي تكسرلك راسك بصح ماشي كيما لي راهي عندك هههههههههههه

[aircrack -ng]

ميرسي علك وليد بلادي
والله ياخو كون تشوفها تكره النهار الي عرفت في الانترنت la page تقعد سمانا باش تنفتح و telechergement كارثة نتيليشارجي ب 15 كيلو والله كرهت هذي موبي كونكت تعرف موبي كوناكت تصلح لواحد طايح مونك في صحرا

مرسي عليك خو سييو نجربو الويقي

[calypsou]

دير أنيس هي المليحة كامل

[aircrack -ng]

اقتباس المشاركة الأصلية كتبت بواسطة calypsou دير أنيس هي المليحة كامل

ميرسي عليك خو
حتى انيس والله ماحبو يحلبوني فيها طلعت شحال من خطرا مي توجور يقولولي مازال ماديماراتش

[Gx1Sniper]

ان شاء الله يفيدوك الاخوة

[aircrack -ng]

اقتباس المشاركة الأصلية كتبت بواسطة الليث الاسود ان شاء الله يفيدوك الاخوة

مشكور اخي الكريم على تواجدك الطيب بموضوعي
لك مني اجمل تحية

[mr-1999]

انا نقولك ماكاش كيما ايزي سواء كابل ولا بدون كابل المهم ايزي المخيرة واسال اللى مجرب -انا عندى الخطوط فى 3 بصح ايزى هى المخيرة

[أسدالله الدمشقي]

سلام عليكم اخي انا اضفتك بالمناسبة ما فهمت لا الموضوع ولا محتواه ولا الي تكلم عنه الأخوة

[عصام-محمد]

اقتباس المشاركة الأصلية كتبت بواسطة أسدالله الدمشقي سلام عليكم اخي انا اضفتك بالمناسبة ما فهمت لا الموضوع ولا محتواه ولا الي تكلم عنه الأخوة

وعليكم السلام اخي العزيز

ولا حتى انا فهمت ولذا طلبت منه ان يشرح ما يطلبه بشكل مفهوم
الكلمات واللهجات الغامضة او الغير مفهومة مرفوضة رفضا باتا هنا

[aircrack -ng]

مشكورين اخوتي
mr-1999 اسد الله الدمشقي عصام محمد على مروركم
اخي عصام بدون زعل ولا غموض اخي انا عندي مشكلة من مزود الخدمة تبعي لذا انا طلبت من الاخوة الجزائريين ان يدلوني على احسن مزود خدمة في الجزائر

[عصام-محمد]

اقتباس المشاركة الأصلية كتبت بواسطة عبد الصمد مشكورين اخوتي mr-1999 اسد الله الدمشقي عصام محمد على مروركم اخي عصام بدون زعل ولا غموض اخي انا عندي مشكلة من مزود الخدمة تبعي لذا انا طلبت من الاخوة الجزائريين ان يدلوني على احسن مزود خدمة في الجزائر

الان جيد اخي العزيز
ويقدر الاخوة غير الجزائرين الان يتداخلوا معك

تقبل مروري

[supermain]

دير فوري وتهنا هو لمخير

[cisco_security]

روح بدلها و جيب انترنات من الجزائر للاتصالات واي سرعة تريد كاين من 256 كيلو ل 1 ميجا للاستخدام الخاص و الثمن يختلف من سرعة لاخرى ...
انا استخدم 512 كيلو و هي كافية نوعا ما و سريعة ، ههههه اكثر من 4 مرات من مقاهينا للانترنات ، و ايضا ممكن تقول لهم عند تسجيلك لاي اشتراك ان يعطوك مودام لاسلكي هكذا راح تستعمل انترنات سريع و ايضا
راح ايكون بامكانك الاتصال بالاسلكي ...
بالتوفيق لك
سلام

[aircrack -ng]

اقتباس المشاركة الأصلية كتبت بواسطة supermain دير فوري وتهنا هو لمخير

مرسي عليك وليد بلادي